واحد مشى مع مدامتو للسينما
شرى شيبس وبدا ياكل
قالتلو مدامتو ذوقني، عطاها حبة
كلاتها وقالتلو زيد ذوقني
قالها: يا الحمارة!! كاملين عندهم بنة وحدة
المعلمة سولات واحد التلميد: عاونتك ماماك ف التمارين؟
قال ليها: لا، دارتهم بوحدها
هادوا جوج كانوا خدامين، وهو يقول واحد فيهم لصاحبو: أنا نقدر نخلي الشاف يعطيني اليوم كونجي.
قال ليه صاحبو: وكيفاش غادي تدير ليها؟
قال ليه لاخور: شوف وتعلم.
مشى السيد تعلق من السقف من رجليه. ملي جا الشاف قال ليه: مالك معلق هاكا؟
قال ليه الخدام: راني بولة.
وهو يقول ليه الشاف: راك كتخدم بزاف قربتي تسطى. سير اليوم للدار ترتاح، راك كونجي.
شوية وهي يتم الخدام التاني تابع صاحبو. قال ليه الشاف: أجي نتا، فين غادي؟
قال ليه الخدام التاني: غادي للدار، ما نقدرش نخدم ف الضلام
واحد الراجل كان غادي ولقى مراية طايحة.
هزها، شاف وجهو فيها وهو يلوحها.
قال مع راسو كون كانت زوينة ڭاع ما يلوحوها ماليها
واحد التلميد قال للمعلم: واش ممكن شي واحد يتعاقب على شي حاجة ما دارهاش؟
قال ليه المعلم: لا!
قال ليه التلميد: إيوا راه ما درتش التمارين.
مبوق شاف بلاكة مكتوب عليها: مزرعة أبقار
سول مول المزرعة: كيفاش كتزرعوا البقر؟
تفلى عليه السيد وقال ليه: كنرشوا السكر وكيخرج البقر.
ناض المبوق الغد ليه رش السكر.
رجع من بعد نهار لقى النمل مجموع على السكر.
وهو يقول: يا حليلي على البقر ملي كيكون صغير
واحد البنت كانت كتشوف راسها ف المرايا، وهي تعيط لأمها: ماما، ماما، ماما.
قالت لها أمها: مالكي؟ علاش كتغوتي؟
قالت ليها البنت: ما بقاوش غادي ينوضوا ليا الحبوب في وجهي
قالت ليها أمها: وباش عرفتي؟
قالت لها البنت: لحقاش ما بقاتش بلاصة
الرئيسية
السبت أغسطس 16, 2014 5:07 pm
