نكت مغربية

جنون البقر
هادو جوج بڭرات كانوا غاديين.
سولت وحدة فيهم البڭرة الأخرى: كيخلعك هاداك المرض اللي كيقولوا عليه جنون البقر؟
جاوبتها البڭرة: لا، حيت أنا دجاجة



كام هير

هادا واحد الأستاد ديال الانجليزية سول واحد التلميد، قال ليه: إيلا بغيتي تقول لشي واحد أجي لهنا بالانجليزية، أشنو تقول ليه؟
جاوب التلميد: كام هير.
قال ليه الأستاد: مزيان. وإيلا بغيتي تقول ليه يرجع فين كان؟
جاوب التلميد: نجري للجهة الأخرى، ونقول ليه: كام هير.



المرا الخايفة من الشفار



هادي واحد المرا خوافة، كل ليلة كتفيق راجلها وكتقول ليه: ناري سمعت شي حس، راه كاين شفار ف الدار.
كل ليلة على هاد الحال، وراجلها عيا.
واحد النهار قال ليها: يا لالة راه الشفار إيلا بغى يشفر، ڭاع ما كيدير الحس.
الغد ليه ف الليل، فيقاتو المرا وقالت ليه: ناري ما سامعة حتى حس ف الدار!


العقاب

واحد التلميد قال للمعلم: واش ممكن شي واحد يتعاقب على شي حاجة ما دارهاش؟
قال ليه المعلم: لا!
قال ليه التلميد: إيوا راه ما درتش التمارين.


الفار والبنات

سولوا واحد الفار: علاش عزيزين عليك البنات؟
ڭال ليهم: حتى واحد ما كيدير ليا اعتبار من غيرهم. غير كيشوفوني كيغوتوا، حسيت براسي بحال مهند



فيا الجوع



الزوج : فيا الجوع
الزوجة : أنا مريضة
الزوج : ما عندك زهر، كنا غادي نخرجوا نتعشاو برا أنا وياك
الزوجة : ھھھهه كنت كنضحك معاك يالاه نمشيو نتعشاو
الزوج : حتى كنت كنضحك معاك سيرى وجدي لعشا

مشكوووووووووووووووور