نكت مغربية

السلام عليكم


النكتة1:


وحدة رومانسية فيقت راجلها فــ النص د الليل
وقالت ليه: هل ينام الحب ليلا، أم ينام الليل حباً، أم أنا والليل حبٌ لا ينام؟
رد عليها: هل تريدين الطلاق، أم أن الطلاق يريدك، أم أنت والطلاق تريدون بعضاً


النكتة2:
هادي واحد المرا خوافة، كل ليلة كتفيق راجلها وكتقول ليه: ناري سمعت شي حس، راه كاين شفار ف الدار.

كل ليلة على هاد الحال، وراجلها عيا.

واحد النهار قال ليها: يا لالة راه الشفار إيلا بغى يشفر، ڭاع ما كيدير الحس.

الغد ليه ف الليل، فيقاتو المرا وقالت ليه: ناري ما سامعة حتى حس ف الدار!





النكتة3:

الزوج : فيا الجوع

الزوجة : أنا مريضة

الزوج : ما عندك زهر، كنا غادي نخرجوا نتعشاو برا أنا وياك

الزوجة : ھھھهه كنت كنضحك معاك يالاه نمشيو نتعشاو

الزوج : حتى أنا كنت كنضحك معاك سيرى وجدي لعشا




النكتة4:


هادا واحد الراجل قال لمرتو: جيبي ليا جوج كيسان، واحد فيه الما وواحد خاوي

قالت ليه: علاش؟

قال ليها: نقدر نشرب ونقدر ما نشربش









النكتة5:

هادا واحد خينا مبوق مع راسو، وجاه البرد بزاف

ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.





النكتة6:

سولوا واحد: كيفاش كنقولو ساهلة ماهلة بالفرنسية؟

قال ليهم:facile macile






النكتة7:

واحد الراجل كيموت وبغا يقول لولادو شي حكمة

ناض جمعهم كاملين وقال ليهم كل واحد يجيب معاه عصا

من بعد قال ليهم كل واحد يهرس العصا ديالو، وكلهم هرسوهم

قال ليهم كل واحد يشد ربعة د العصيان ويهرسهم، حتى واحد ما قدرش إلا الكبير فيهم.

قال ليه شد عشرة د العصيان وهرسهم. الولد الكبير هرسهم حتى هوما

قال ليه شد عشرين عصا وهرسهم. الولد الكبير هرسهم بخطرة

شاف الراجل ف ولادو وهو يقول ليهم: ما حد معاكم هاد البهيمة، ما تخافوا من حتى حاجة.




النكتة8:

واحد الكسول سول المعلم ديال الانجليزية: أستاد، أشنو المعنى ديالwhy؟

قال ليه الأستاد: علاش.

قال ليه الكسول: لا، غير سولت.

قال ليه الأستاد: علاش أبنادم، علاش.

قال ليه الكسول: راه غير بغيت نتعلم الانجليزية




النكتة9:
سول الأستاذ واحد التلميد: باش كتحلم؟

قال ليه الدري: كنحلم نشد 10000 درهم ف الشهر بحال الوالد.

قال ليه الأستاذ: علاش باك كيشدهم؟

قال ليه الدري: لا، حتى هو غير كيحلم.










النكتة10:

هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.

ناض السيد كيضحك. سولو القاضي: مالك؟

قال ليه: كانت كتديها كامل

شكرآآ

هههههههههههههههههههههههههههههههههه

موضوع رائع بوركت