نكتة من أصول مغربية

عبدو و مراتو مخاضمين ، و مصافرين في السيارة ....
عبدو يسوق السيارة بسرعة جنونية!! حيث معروض عند نسيبتو و محملش راسو !
وقفو بوليسي قالو:
السلام عليكم ، الشرطة الوطنية، أوراق السيارة من فضلك ، راه الرادار شدك كتجري بسرعة180كلم في الساعة!!
عبدو: لا ميمكنش . راني كنت كنسوگ ب100كلم في الساعة،،
زوجة عبدو: علاش تكذب ، كنتي كتجري ب180كلم، انا شفت الكونتور!!
عبدو شاف في مراتو بنظرة حاقدة بغا !؟
الشرطي: و عنزيد ليك مخالفة حيث الضو الخلفي مهرس ،،
عبدو: والله ما شفتو بلي مهرس!!
زوجة عبدو: كذاب ، ماشي قلت ليك لبارح راه الضو مهرس!!
عبدو خرج عينو في مراتو
الشرطي : و نزيدك مخالفة ديال السمطة ( حزام السلامة) مديرهاش؟؟
عبدو: و في ممتي لعزيزة رني عاد حيدتها دبا كيف وقفتني،،
زوجة عبدو: لا لا لا فين عمرك درتها ؟
تلفت عبدو لزوجته وبدا يغوت علها: واش معتسديش داك الفم عندك؟؟؟
الشرطي سأل زوجة عبدو : واش ديما كيغوت عليك هكا؟؟
الزوجة: لا... كيغوت عليا غير مني كيكون سكران!!!
الشرطي: ويلي ويلي و زيدها بالشراب ؟؟
عبدو: لا لا آ شاف . متيقهاش،،
فقالت زوجة عبدو : سبابو مني سرق هاد الطوموبيل لقا فها قرعة ديال الوسكي
الشرطي : مسخوط انت !! و طوموبيل مسروقة؟؟
جاوبو عبدو: الله يهديك آ الشاف راه مكين والو...... وتلفت لزوجته وقال : واش بغيتي هاد الليلة نطلق ولدين موك!
قال الشرطي : ديما كيهدد بالطلاق؟؟؟
زوجة عبدو: و حتى نكونو مزوجين اصلا ديك الساعة يطلقني،،
الشرطي: و زايدها لمك بالفساد يا ولد لحرام
هههههههههههههه خلاتو 3 ايام بايت في الكومسرية و هي مشات مع ماماها لعرس ديال بنت خالتها في أكادير ههههههه
و كالعادة إبليس واقف من بعيد و حاط يدو على راسو و مصدوم لا ينطق ولا يتكلم ، مفهم حتى وزة ههههههههههههه

موضوع رائع بوركت

موضوع رائع بوركت