- نــكـ'ـت حـصـريآآ .. ~

النكتة الاولى:

هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمي



النكتة الثانية:

واحد المعلم عرض على صحابو يجيو عندو للدار
ملي جلسو شوية هدروا، قال ليهم: شنو نسبقو أتاي ولا العشا؟
قالوا ليه: العشا !
هو يقول ليهم: توكلنا على الله نوضو تصليو



النكتة الثالثة:

قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي



النكتة الرابعه:

هادا واحد مبوق غادي ف الزنقة ف نصاصات الليل
وقفو البوليسي وسولو : فين غادي؟
قال ليه المبوق : غادي لواحد المحاضرة
قال ليه البوليسي: علاش كاين شي واحد كيعطي محاضرة ف هاد الوقت؟
قال ليه المبوق: اه، مرتي



النكته الخامسة

واحد قال لصاحبو مبوق : عرفتي أنا إيلا شربت القهوة ما كنقدرش ننعس
قال ليه المبوق : أنا العكس ديالك، إيلا نعست ما كنقدرش نشرب القهوة



النكته السادسة

هادا واحد مكلخ ضرباتو طوموبيل، ناضو عطاوه مية ألف ريال تعويض
من بعد، مشى للمحطة ووقف ف السكة ديال التران، و قال: أراااااااااااااااااااااك للملايين



النكته السابعة

هادا واحد خينا مكلخ كان غادي ف السوق مع مرتو
شوية تودرات عليه مرتو وبدى كيقلب عليها
مشى كيدور ف السوق وكيسول الناس: ما بانتش ليكم واحد المرا أنا ما غاديش معاها؟



النكته الثامنة

هادا فروج كيودن فوق الشجرة، وواحد الديب واقف تحت الشجرة
ملي سالى الفروج، قال ليه الديب : فعلا لا إله إلا الله. أش بان ليك تنزل نصليو جماعة؟



النكته التاسعة

هادا واحد المبوق عينيه خارجة
قال ليه واحد الراجل : مال عينيك خارجة ؟
قال ليه المبوق : لا غير أنا اللي راجع اللور



النكته العاشرة

واحد مبوق قاعد قدام التلفزة وكيضحك
قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو

مشكوووووووووووور